सिमा सुरक्षामा स्थानीयबासी र सशस्त्र प्रहरीको भूमिका विषयमा वक्तृत्वकला,भैरवीकी श्रेष्ठ प्रथम

धादिङ । धादिङबेसीमा “सिमा सुरक्षामा स्थानीयबासी र सशस्त्र प्रहरीको भूमिका” विषयक वक्तृत्वकला प्रतियोगिता सम्पन्न भएको छ ।

शुक्रबार सशस्त्र प्रहरी बल नेपाल र आश्रित गुल्म धादिङको संयुक्त आयोजना गरेको वक्तृत्वकला प्रतियोगितामा सुनौलो भैरवी माध्यामिक विद्यालयकी प्रशंसा श्रेष्ठ प्रथम भएकी छिन् ।

प्रतियोगितामा सुनौलो भैरवी माध्यामिक विद्यालयकी संजिवनी पोखरेल द्वितिय र नीलकण्ठ बालमन्दिर माध्यामिक विद्यालयकी कृति श्रेष्ठ तृतिय भएकी छिन् ।

प्रतियोगितामा नीलकण्ठ नगरपालिका भित्रका ९ विद्यालयका १६ जना विद्यार्थीहरु सहभागी भएका थिए ।

विद्यार्थीको क्षमता अभिवृद्धि गर्ने र सम्बन्ध थप सुमधुर बनाउने उद्देश्यले २४ औँ सशस्त्र प्रहरी दिवस २०८१ को अवसरमा प्रतियोगिता आयोजना गरिएको सशस्त्र प्रहरी बल नेपाल,आश्रित गुल्म धादिङकी गुल्मपति लक्ष्मी थपलियाले बताउनुभयो।