आजदेखि जय ट्रफी पुरुष कप क्रिकेट शुरु हुँदै

काठमाण्डौ । आजदेखि जय ट्रफी पुरुष कप क्रिकेट शुरु हुँदैछ ।नेपाल क्रिकेट संघ (क्यान) को आयोजनामा शुरु हुन लागेको प्रतियोगितामा आज दुई वटा खेल हुँदैछन् ।

प्रतियोगितामा दुई विभागीय टोली नेपाल पुलिस क्लब र त्रिभुवन आर्मी तथा बागमती र मधेस प्रदेशगरी चार टोली छन् ।

आज हुने खेलमा पुलिस क्लब र त्रिभुवन आर्मी तथा बागमती प्रदेश र मधेस प्रदेशले खेल्दैछन् ।

पुलिस र आर्मीको खेल विरगञ्जमा तथा बागमती र मधेसको खेल जनकपुरमा शुरु हुँदैछ ।

सिङ्गल राउण्ड रोविनका आधारमा लिग चरणका खेल हुने प्रतियोगितामा शीर्ष दुई टोली फाइनलमा पुग्नेछन् ।

क्यानका अनुसार अरू खेल दुई दिवसीय र फाइनल खेल तीन दिवसीय फम्र्याटमा हुनेछ ।

क्यानका पूर्व अध्यक्ष जयकुमार शाहको नामबाट यो प्रतियोगिता आयोजना गरिएको हो ।

यो प्रतियोगितामा गएको वर्ष भएको प्रधानमन्त्री कप राष्ट्रिय क्रिकेटमा शीर्ष चारमा रहेका टोली सहभागी छन् ।