प्याब्सन धादिङको अध्यक्षमा दिनेश भट्ट

धादिङ । निजी तथा आवासीय विद्यालय अर्गनाइजेसन नेपाल (प्याब्सन) धादिङको अध्यक्षमा दिनेश भट्ट चयन हुनुभएको छ।

बुधबार नीलकण्ठ-४ स्थित सदरमुकाम धादिङबेशीमा रहेको चिल्ड्रेनपार्क आवासीय माध्यमिक विद्यालयमा सम्पन्न प्याब्सन दिवस तथा ११ औँ जिल्ला अधिवेशनले धुनिवेशी नगरपालिकामा रहेको शान्तिदिप एकेडेमीका दिनेश भट्टको अध्यक्षतामा ७ सदस्यीय नयाँ कार्यसमिति चयन गरेको छ ।

कार्यसमितिको उपाध्यक्षमा टिका प्रसाद थपलिया (राईजिङ स्टार-बेनिघाट रोराङ), सचिवमा भिम बहादुर श्रेष्ठ (एडभान्स एकेडेमी-धादिङबेशी), कोषाध्यक्षमा सन्जिप गजुरेल (ब्लुमिङ लोटस-थाक्रे) चयन हुनुभएको छ ।

त्यस्तै सदस्यहरुमा आँचल श्रेष्ठ (आधारशिला पाठशाला-धादिङबेशी), देवी कुमारी पाण्डे (सल्यान्टार बालविकास-त्रिपुरासुन्दरी) र राजकुमार त्रिपाठी (ब्राईट फयुचर-बेनिघाट रोराङ) चयन हुनुभएको छ ।

कार्यसमितिमा अव ७ वटा पालिकाबाट १/१ जना सदस्य मनोनित गरिने नवनिर्वाचित सचिव भिम बहादुर श्रेष्ठले जानकारी दिनुभयो ।

त्यस्तै ३ जना महाधिवेशन प्रतिनिधी र ३ सदस्यीय सल्लाहाकार समिति पछि मनोनित गरिने श्रेष्ठले बताउनुभयो।