मानवअधिकार एलाइन्स धादिङको अध्यक्षमा गिता खनाल

धादिङ । मानवअधिकार तथा सामाजिक न्याय मञ्च (मानवअधिकार एलाइन्स) धादिङको अध्यक्षमा गिता खनाल चयन हुनुभएको छ।

शनिबार धादिङबेसीमा भएको चौथो जिल्ला अधिवेशनले खनालको अध्यक्षतामा ९ सदस्यीय नयाँ कार्यसमिति चयन गरेको हो।

अधिवेशनबाट उपाध्यक्षमा धर्मराज सिलवाल, बिमला गिरी, सचिवमा जिवन सिलवाल, कोषाध्यक्षमा कविता यस्माली मगर चयन हुनुभएको छ।

त्यसैगरी सदस्यहरुमा नवराध धिताल, रञ्जीता रेग्मी, विश्व प्रजा, र अच्युत खतिवडा चयन हुनुभएको छ।मानवअधिकार एलाइन्स धादिङको अध्यक्षमा पहिलो पटक महिलालाई अध्यक्ष निर्वाचित गरेको हो।

अध्यक्ष खनाल सहयात्री समाज नेपालका अध्यक्ष पनि हुनुहुन्छ।