खो–खो विश्वकप:नेपाली महिला टोली सेमिफाइनलमा

काठमाण्डौ । नेपाली महिला टोली खो–खो विश्वकपको सेमिफाइनलमा पुगेको छ।

भारतको नयाँ दिल्लीमा रहेको इन्दिरा गान्धी स्टेडियममा आज भएको क्वाटरफाइनलमा नेपालले इरानलाई १०३–८ ले हराउँदै सेमिफाइनलमा पुगेको हो।

नेपाल समूह चरणमा अपराजित हुँदै शीर्ष स्थानमा रहेर क्वाटरफाइनलमा पुगेको थियो। नेपाली महिला टोलीले समूह चरणमा पहिलो खेलमा भुटान, दोस्रो खेलमा जर्मनी, तेस्रो खेलमा श्रीलङ्का र चौथो खेलमा बङ्गलादेशलाई हराएको थियो।

सेमिफाइनलका खेल भोलि हुनेछन् भने फाइनल खेल पर्सि आइतवार हुनेछ।