यू-१९ महिला टी–२० विश्वकप : नेपालले आज बङ्गलादेशसँग खेल्ने

काठमाण्डौ । आजदेखि मलेसियामा शुरू भएको आईसीसी १९ वर्षमुनिको महिला टी–२० विश्वकप क्रिकेटमा आज नेपालले बङ्गलादेशसँग खेल्दै छ।

खेल दिउँसो सवा १२ बजे सुरु हुने छ ।

नेपालले समूह चरणको दोस्रो खेलमा पर्सि सोमवार स्कटल्यान्डसँग र तेस्रो तथा अन्तिम खेलमा माघ ९ गते अस्ट्रेलियासँग खेल्नेछ ।

प्रतियोगितामा १६ वटा टोलीलाई चार वटा समूहमा विभाजन गरिएको छ ।

समूह ‘ए’ मा भारत, मलेसिया, श्रीलङ्का र वेस्ट इन्डिज छन् । समूह ‘बी’ मा इङ्गल्यान्ड, आयरल्यान्ड, पाकिस्तान र अमेरिका छन् ।

समूह ‘सी’ मा न्युजिल्यान्ड, नाइजेरिया, सामोआ र दक्षिण अफ्रिका छन् ।समूह ‘डी’ मा नेपाल, अस्ट्रेलिया, बङ्गलादेश र स्कटल्यान्ड छन् ।

१९ वर्षमुनिको महिला टी–२० विश्वकपको फाइनल खेल माघ २० गते हुनेछ ।filephoto