धादिङमा सञ्चालित विभिन्न ग्यास रिफिलिङ सेन्टरमा अनुगमन: श्रीमायालाई २ लाख जरिवाना,त्रिवेणीमा शिलबन्दी

धादिङ । जिल्ला अनुगमन समिति धादिङले पृथ्वीराजमार्ग क्षेत्रमा सञ्चालित विभिन्न ग्यास रिफिलिङ सेन्टरमा अनुगमन गरेको छ।

शुक्रबार प्रमुख जिल्ला अधिकारी सहित सुमन घिमिरे सहितको अनुगमन टोलीले बेनिघाट रोराङ गाउँपालिका-५ विशालटारमा मा रहेको कावसन्स इन्डष्टिज प्रा.लिको श्रीमाया ग्यास र बेनिघाट रोराङ गाउँपालिका-९ मझिमटारमा रहेको त्रिवेणी ग्यास उद्योग प्रालिमा अनुगमन गरेको हो ।

अनुगमनका क्रममा विशालटारमा रहेको कावसन्स ईन्डस्ट्रिज प्रा.लिको श्रीमाया ग्याँस सिलिण्डर भर्ने क्रममा सिलिण्डर कुचिएको, सिलिण्डरमा कालो लेदो भेटिएको, केहि खालि सिलिण्डरमा तोकिएको तौल भन्दा बढि भेटिएको, सरसफाईको अवस्था कमजोर रहेको र आकस्मिक विद्युत आपुर्ति व्यवस्थित नरहेको पाईएकोले उक्त ग्यास कम्पनीलाई दुई लाख जरिवाना गरिएको प्रसासनले जनाएको छ ।

त्यस्तै मझिमटारमा रहेको त्रिवेणी ग्याँस उद्योग प्रा.लि.हिमालयन पेट्रो केमिकल प्रा.लिको त्रिवेणी, ज्ए र राजधानी ग्यासको अनुगमनको गर्ने क्रममा उक्त प्रा.लि.हरुको व्यवसाय संचालन भएको देखिएको, उक्त दुई वटै ग्याँस प्रा. लि. एकै कम्पाउन्डमा संचालन रहेको स्थानमा राजधानी ग्याँसको सिलिन्डर देखिएको तर राजधानी ग्याँसको अनुमतिका कागजातहरु पेश हुन नसकेको र मुख्य मापदण्डहरु पुरा नभएको पाईएकाले उक्त कम्पनीलाई सिलबन्दी गरिएको प्रसासनले जनाएको छ ।

उपभोक्ता संरक्षण ऐन २०७५ र सो सम्वन्धी प्रचलित कानुन अनुसार उद्योगहरुमा जरिवाना र सिल गरिएको सहायक प्रमुख जिल्ला अधिकारी माधव प्रसाद न्यौपानेले बताउनुभयो ।

अनुगमनका क्रममा भवनको पिलर जिर्ण भई जोखिमयुक्त रहेको, बजारमा बिक्रीका लागि पठाउन लागेको केहि सिलिण्डर तौल गर्दा कम तौल पाईएको, कुच्चिएका ग्याँस सिलिन्डरहरुमा समेत ग्याँस रिफिल गरी विक्रिमा पठाउन लागेको, केहि सिलिण्डरमा कम्पनीको नाम, परिमाण लगायतका विवरण मेटिएको, खाली सिलिन्डरको तौल तोकिएको मापडण्ड भन्दा बढि भएको, ग्याँस भरे पछी भल्व चेक गर्ने उपयुक्त व्यवस्था नभएको,हाईड्रोलिक जाँच गर्ने प्राविधिक जनशक्ति नरहेको पाईएकोले सिलवन्दी गरिएको सहायक प्रमुख जिल्ला अधिकारी न्यौपानेले बताउनुभयो ।