कोशी र मधेश प्रदेशमा मन्द शीतलहर

काठमाण्डौ । अहिले मधेश प्रदेशको पूर्वी भाग तथा कोशी प्रदेशको तराई क्षेत्रमा मन्द शीतलहर चलिरहेको जल तथा मौसम पूर्वानुमान महाशाखाले जनाएको छ।

ती क्षेत्रमा भोलिसम्म शीतलहर चल्ने महाशाखाले जनाएको छ। तराई मधेशमा चिसोबाट बच्न विशेष सावधानी अपनाउन महाशाखाले आग्रह गरेको छ।

अत्यधिक चिसो र बाक्लो हुस्सुका कारणले मानिसलाई घरबाट बाहिर निस्कनै समस्या भएको छ।

तराई मधेशका सबैजसो जिल्लामा चिसोको समस्या छ। तराई/मधेशमा हुस्सु, कुहिरो तथा शीतलहरले जनजीवन प्रभावित बनिरहँदा पहाडी र हिमाली क्षेत्रमा भने चिसो घटिरहेको छ।filephoto