नेपाल कबड्डी लिग : फाइनल खेलमा आज जनकपुर र काठमाण्डौ भिड्दै

काठमाण्डौ । नेपाल कबड्डी लिग (एनकेएल) को फाइनल खेलमा आज जनकपुर नाइट्स र काठमाण्डौ माभरिक्स भिड्दै छन्।

खेल बेलुका साढे ६ बजे त्रिपुरेश्वरमा रहेको दशरथ रङ्गशालाको कभर्डहलमा शुरू हुनेछ।

जनकपुर लिग चरणमा चार जीत र एक बराबरीका साथ शीर्षस्थान रह्यो । उसले क्वालिफायरमा विराटनगर ब्यान्डिट्सलाई पराजित गर्दै फाइनलमा पुगेको हो ।

त्यस्तै लिग चरणमा काठमाण्डौ तीन जीत, एक बराबरी र एक हारसँगै तेस्रो भएको थियो ।त्यसपछि काठमाण्डौले इलिमिनेटरमा धनगढी वाइल्डक्याट्स र क्वालिफाइरमा विराटनगरलाई हराउँदै उपाधि नजिकै पुगेको हो।

नेपालमा पहिलो पटक भएको फ्रेन्चाइज कबड्डी प्रतियोगितामा विभिन्न शहरका ६ वटा टोली सहभागी थिए ।प्रतियोगिता माघ ४ गतेदेखि शुरू भएको हो। photo:nkl