त्रिदेशीय महिला टी–२० क्रिकेट:नेपालले आज थाइल्याण्डसँग खेल्दै

काठमाण्डौ । त्रिदेशीय महिला टी–२० अन्तर्राष्ट्रिय क्रिकेट शृङ्खलामा नेपालले नेपालले आज आफ्नो दोस्रो खेल थाइल्याण्डसँग खेल्दैछ ।

खेल दिउँसो सवा १२ बजे कीर्तिपुरको त्रिवि क्रिकेट मैदानमा शुरू हुनेछ ।

पहिलो खेलमा नेदरल्यान्ड्ससँग २० रनले पराजित भएको नेपाल आज थाइल्याण्डसँग खेल्न लागेको हो ।

हिजो भएको खेलमा थाइल्याण्डले नेदरल्यान्ड्सलाई ८ विकेटले हरायो ।

त्रिदेशीय टी–२० शृङ्खलामा नेपाल, नेदरल्यान्ड्स र थाइल्यान्ड छन् ।

प्रतियोगितामा भोलि नेदरल्यान्ड्स र नेपालबीच खेल हुनेछ । लिग चरणको अङ्क तालिकामा शीर्ष स्थानमा रहने टोली विजेता बन्नेछ।तस्बिर:क्यान