टी–२० श्रृङ्खला : नेपालसँग कुवेत ६ विकेटले पराजित

काठमाण्डौ। टी–२० अन्तर्राष्ट्रिय शृङ्खलामा नेपालले कुवेतलाई ६ विकेटले पराजित गरेको छ।हङकङमा जारी श्रृङ्खला अन्तरगत नेपालको यो लगातार दोस्रो जीत हो।

आज बिहान भएको खेलमा कुवेतले प्रस्तुत गरेको १ सय ८६ रनको लक्ष्य नेपालले १८ ओभर ५ बलमा चार विकेट गुमाउँदै पूरा गर्‍यो । कुशल भूर्तेलले सर्वाधिक ८१ रन बनाए ।

आसिफ शेखले ५३ रन जोडे । हङकङका यासिन पटेलले दुई विकेट लिए ।त्यसअघि मिसन रोड मैदानमा टस हारेर पहिला ब्याटिङ थालेको कुवेतले निर्धारित २० ओभरमा आठ विकेट गुमाउँदै १८५ रन बनाएको थियो ।

कुवेतका क्विन्टो एन्टोले सर्वाधिक ४१ रन बनाए । मिट भावसारले ३५ रन जोडे । नेपालका सोमपाल कामीले सर्वाधिक तीन विकेट लिए ।

नेपालले पहिलो खेलमा हिजो कतारलाई आठ विकेटले पराजित गरेको थियो ।

योसँगै शीर्ष स्थानमा रहेको नेपालले चार अङ्क पुर्‍याएको छ। अब नेपालले लिग चरणको अन्तिम खेल पर्सि शनिवार घरेलु टोली हङकङसँग खेल्नेछ।filephoto