ग्यास लिक भएर आगलागी,एक जनाको मृत्यु

काठमाण्डौ । काठमाण्डौको मखन गल्लीको एक घरमा ग्यास लिक भएर आगलागी हुँदा एक जनाको मृत्यु भएको छ ।

मखन गल्लीको सुरज आर्केड पछाडि स्थानीय दयाराम श्रेष्ठको चार तले माटो र काठले बनेको कच्ची घरमा बिहान ६ बजेर ५० मिनेटको समयमा आगो लागेको काठमाण्डौ प्रहरी परिसरका प्रवक्ता एसपी अपिलराज बोहोराले जानकारी दिनुभयो ।

श्रेष्ठको घरको तेस्रो तल्लाबाट शुरू भएको आगो नजिकैको रुकेश श्रेष्ठको ५ तले पक्की घरमा समेत फैलिएको छ।

आगलागीमा परेर एक जनाको ज्यान गएको काठमाण्डौ प्रहरी परिसरका प्रवक्ता एसपी अपिलराज बोहोराले जानकारी दिनुभयो। मृतकको परिचय खुल्न बाँकी छ ।

६ वटा दमकलको सहयोगमा प्रहरी, सेना,स्थानीयलगायतले आगो निभाउने प्रयास गरिरहेका छन् । घटनाबारे थप जानकारी आउन बाँकी रहेको छ ।