धादिङमा दुई मोटरसाइकल एकापसमा ठोक्किदा तीन जना घाइते

धादिङ । पृथ्बी राजमार्ग अन्तरगत धादिङको गजुरी गाउँपालिका-६ बेल्खुमा दुई मोटरसाइकल एकापसमा ठोक्किदा तीन जना घाइते भएका छन्।

आज दिउँसो काठमाडौबाट चितवन तर्फ जाँदै गरेको बा ७० प ३२९७ नम्बरको मोटरसाइकल र बिपरित दिशाबाट आउँदै गरेको बा.प्र.०२-०३७ प ७६९२ नम्बरको मोटरसाइकल एक आपसमा ठोकिएको जिल्ला प्रहरी कार्यलय धादिङका प्रहरी नायव उपरीक्षक सुवास हमालले जानकारी दिनुभयो।

घाइते हुनेहरुमा बा ७० प ३२९७ को मोटरसाइकल चालक तनहुको बसन्तपुर-३ बस्ने बर्ष ५७ को रामचन्द्र राना, ७६९२ मोटरसाइकल नुवाकोटको ककनि गापा-१ बस्ने बर्ष २५ को अमित कुमार बलामी र सोही मोटरसाइकलको पछाडी सवार नुवाकोटको शिबपुरी-८ बस्ने बर्ष ३५ को राम माया तामाङ रहेका छन् ।

उनीहरुको अवस्था सामान्य रहेको प्रहरीले जनाएको छ।

घाइते रामचन्द्र रानाको अवस्था गम्भीर रहेकोले काठमाडौस्थित ट्रमा सेन्टर रिफर गरिएको र अन्य घाइतेको आदमघाट अस्पताल प्रा.लिमा उपचार भइरहेको प्रहरीले जनाएको छ।