साउन २६ गतेदेखि काेरियन भाषा परीक्षाकाे आवेदन खुल्ने

काठमाण्डौ । नेपालीहरूका लागि सन् २०२५ को कोरियन भाषा परीक्षाका लागि आवेदन खुला गरिएको छ ।

रोजगार अनुमति प्रणाली (ईपीएस) शाखाले आज निकालेको सूचना अनुसार सन् २०२५ मा हुने पहिलो चरणको भाषा परीक्षाका लागि यही साउन २६ गतेदेखि ३१ गतेसम्म आवेदन खुला रहनेछ ।

शाखाका अनुसार पहिलो चरणको भाषा परीक्षामा अनुमानित उत्तीर्ण सङ्ख्या पाँच हजार तीन सय हुनेछ । यसमा उत्पादनमूलक क्षेत्रतर्फ ३ हजार ५ सय तथा कृषि पशुपालन क्षेत्रतर्फ एक हजार आठ सय हुनेछ ।

एक जना व्यक्तिले एउटा क्षेत्रका लागि मात्रै आवेदन दिन पाउने छन् । भाषा परीक्षा पास गरेर मात्रै रोजगारीको सुनिश्चितता भने नहुने शाखाले जनाएको छ ।