धादिङबेसीस्थित थोपल खोलामा बगेर एक युवकको मृत्यु

धादिङ- धादिङबेसीस्थित थोपल खोलामा बगेर एक युवकको मृत्यु भएको छ।

रुविभ्याली गाउँपालिका-३ घर भएका १८ वर्षीय नरेश घले बुधबार दिउँसो थोपल खोलाको कुडुलेस्थित ड्यामबाट बगेर बेपत्ता भएका थिए।

बेपत्ता भएका घलेलाई खोजी गर्ने क्रममा पुछार बजार बसपार्क नजिकै खोलामा फेला पारिएको प्रहरीले जनाएको छ। उनलाई उद्धार गरी उपचारका लागि जिल्ला अस्पताल धादिङ ल्याइएको थियो।

अस्पताल पुर्‍याएपछि चिकित्सकले घलेलाई मृत घोषणा गरेका हुन्। घटना कसरी भएको हो भन्नेबारे थप अनुसन्धान भईरहेको प्रहरीले जनाएको छ।