कृष्णभीरको सडक भासियो,पृथ्वी राजमार्ग पूर्णरूपमा ठप्प

धादिङ। धादिङको बेनीघाट रोराङ गाउँपालिका-७ स्थित कृष्णभीरमा सडक भासिएपछि पृथ्वी राजमार्ग पूर्णरूपमा ठप्प भएको छ।

गजुरी गाउँपालिकाको-२ परेवाभीर क्षेत्रमा सडक भासिएपछि राजमार्गमा सडकको अवस्था यति जोखिमपूर्ण बनेको छ कि पैदल यात्रुलाई समेत आवतजावत गर्न कठिन भएको छ।

त्रिशूली नदीमा बढेको जलस्तरका कारण सडकको जग कमजोर बन्दै गएपछि सडक भासिएको प्रारम्भिक अनुमान गरिएको छ।

सडक भासिएपछि दुवैतर्फको यातायात पूर्ण रूपमा ठप्प भएको प्रहरीले जनाएको छ।

सडक थप भासिन सक्ने जोखिम रहेकाले यात्रु तथा सवारी चालकलाई उक्त क्षेत्रमा आवतजावत नगर्न प्रहरीले आग्रह गरेको छ।