‘सुनसान छ कि रमाइलो भाछ हाम्रो गाउँ’ गीत सार्वजनिक (भिडियोसहित)

धादिङ। दशैँ-तिहारलाई लक्षित गर्दै ‘सुनसान छ कि रमाइलो भाछ हाम्रो गाउँ’ बोलको नयाँ गीत सार्वजनिक भएको छ।

लोक तथा दोहोरी क्षेत्रमा सक्रिय तथा दर्जनौँ गीतमा स्वर दिइसक्नुभएका गायिका रजनी लामा र गायक पुरुषोत्तम गैरेको स्वरमा रहेको गीत सोमबार ‘लोक चौतारी अफिसियल’ युट्युब च्यानलमार्फत सार्वजनिक गरिएको हो।

गीतको भिडियो निर्देशन पुरुषोत्तम गैरेले गर्नुभएको छ। भिडियोमा कलाकार इन्द्र तामाङ र रजनी लामाले अभिनय गर्नुभएको छ।

सविन बल र भरत तामाङको शब्द तथा संगीत रहेको गीतको मिक्सिङ आरेम सुनारले गर्नुभएको हो भने छायांकन हरि ढकालले गर्नुभएको छ।

दशैँ-तिहारको अवसरमा गाउँघरको सम्झना र चाडपर्वको रमाइलोलाई गीतमा समेटिएको छ।

चाडपर्वको समयमा गाउँ फर्किने नेपालीको भावना र गाउँघरको परिवेशलाई समेटिएको गीतले दशैँ–तिहारको माहोललाई प्रस्तुत गर्न खोजिएको छ।

हेर्नुहोस् भिडियो…