२० किलो गाँजासहित धादिङका दुई जना पक्राउ

मकवानपुर । मकवानपुरको हेटौंडा उपमहानगरपालिका-१९ नेवारपानीबाट अवैध लागूऔषध गाँजासहित धादिङका दुई जना पक्राउ परेका छन् ।

पक्राउ पर्नेहरूमा धादिङको बेनीघाट रोराङ गाउँपालिका-२ ताल्ली बस्ने ३५ वर्षीय सोमीलाल चेपाङ र २० वर्षीय किशोर चेपाङ रहेका प्रहरीले जनाएको छ।

बिहीबार दिउँसो इलाका प्रहरी कार्यालय नेवारपानीबाट खटिएको प्रहरीले चितवनबाट हेटौंडातर्फ जाँदै गरेको गरेको लु-२ ख १७४१ नम्बरको बसलाई जाँच गर्ने क्रममा बसमा सवार उनीहरूलाई करिब २० किलोग्राम गाँजासहित पक्राउ गरेको हो।

यस सम्बन्धमा आवश्यक अनुसन्धान गरिरहेको प्रहरीले जनाएको छ।