लागूऔषध गाँजासहित धादिङका ज्ञान बहादुर पक्राउ

धादिङ। धादिङको धुनीवेशी नगरपालिका-३ दमाहाढुङ्गाबाट अवैध लागूऔषध गाँजासहित एक जना पक्राउ परेका छन् ।

पक्राउ पर्नेमा सोही ठाउँ बस्ने ४९ वर्षीय ज्ञान बहादुर तामाङ रहेका छन् ।

तामाङलाई सोमबार साँझ प्रहरी चौकी जिवनपुरबाट खटिएको प्रहरीले करिब ६ सय ३५ ग्राम गाँजा सहित पक्राउ गरेको प्रहरीले जनाएको छ।यस सम्बन्धमा प्रहरीले आवश्यक अनुसन्धान गरिरहेको छ ।