धादिङमा प्रहरीको फरार प्रतिवादी पक्राउ अभियान,एक महिनामा ३७ जना पक्राउ

धादिङ। जिल्ला प्रहरी कार्यालय धादिङले एक महिनामा ३७ जना फरार प्रतिवादीलाई पक्राउ गरेको छ।

फरार प्रतिवादी पक्राउ अभियान अन्तरगत जिल्ला प्रहरी कार्यालय धादिङ र मातहतमा रहेका बिभिन्न कार्यालयले २०८१ पौष महिनामा मात्रै ३७ जना फरार प्रतिवादीलाई पक्राउ गरेको जिल्ला प्रहरी कार्यालयका सूचना अधिकारी एव डिएसपी सुवास हमालले जानकारी दिनुभयो।

विभिन्न अपराध गरी लामो समयदेखि फरार रहेका प्रतिवादी पक्राउ परेका हमालले बताउनुभयो।

पक्राउ परेकाबाट १४ वर्ष २२ दिन कैद र ५ लाख ९८ हजार ४१३ रुपियाँ जरिवाना असुल उपर गर्न बाँकी रहेको जिल्ला प्रहरी कार्यालयका सूचना अधिकारी हमालले जानकारी दिनुभयो। filephoto