लागूऔषध खैरो हेरोइनसहित तीन जना पक्राउ

काठमाडौं । काठमाडौंको चन्द्रागिरी नगरपालिका-२ नागढुङ्गाबाट अवैध लागूऔषध १ सय ५० ग्राम खैरो हेरोइन सहित तिन जना पक्राउ परेका छन् ।

प्रहरी प्रभाग नागढुङ्गाबाट खटिएको प्रहरीले काँकडभिट्टाबाट काठमाडौंतर्फ आउँदै गरेको प्र-१-०१-००६ ख ४७९६ नम्बरको बसमा सवार भारत घर भएका ३७ वर्षीय गोबिन्द बालालाई बिहीबार दिउँसो पक्राउ गरेको हो ।

थप अनुसन्धानको क्रममा चन्द्रागिरी नगरपालिका-११ बस्ने २६ वर्षीय रमन महर्जन र धादिङ थाक्रे गाउँपालिका-११ बस्ने ३८ वर्षीय बिनोद तामाङको समेत संलग्नता रहेको खुल्न आएपछि प्रहरीले उनीहरूलाई बा-५१ प ७५५८ नम्बरको मोटरसाइकल सहित पक्राउ गरेको छ।

यस सम्बन्धमा प्रहरीले आवश्यक अनुसन्धान गरिरहेको छ।