इस्वी संवतको नयाँ वर्ष शुरू

काठमाण्डौ । इस्वी संवतको नयाँ वर्ष २०२५ शुरू भएको छ ।

सन् २०२४ लाई बिदाइ गर्दै सन् २०२५ शुरू भएको हो ।

इसाई धर्मका प्रवर्तक जिसस् क्राइष्टलाई फाँसी दिएपछि यशुको नामबाट इस्वी सन् भनिएको बताइन्छ। संसारमा अधिकांश मुलुकमा यही सम्वत प्रचलनमा रहेकाले जनवरी १ लाई विश्वभर नै नयाँ वर्षका रुपमा मनाउने गरिन्छ।

येशू ख्रीष्टको जन्म भएको वर्षदेखि पादरी ग्रेगोरियनले शुरू गरेकाले यसलाई ग्रेगोरियन पात्रो भन्ने गरिन्छ ।

इस्वी संवतको नयाँ वर्षको अवसरमा विश्वका विभिन्न ठाउँसहित नेपालमा पनि कार्यक्रम भइरहेका छन् ।

विदेशी पर्यटकको भिडभाड हुने काठमाण्डौको ठमेल, बौद्ध, पोखरा, सौराहा, लुम्बिनीलगायत ठाउँमा विशेष कार्यक्रम भएका छन् ।

हिजो बेलुका पनि यी ठाउँमा ‘न्यू इयर इभ’ का कार्यक्रम भएका थिए ।