उद्योग तथा व्यवसायी महासंघद्धारा धादिङका ६ जना व्यवसायीलाई सम्मान

धादिङ । नेपाल उद्योग तथा व्यवसायी महासंघ धादिङले जिल्लाका व्यवसायीहरुलाई सम्मान गरेको छ ।

बुधबार बेनिघाट रोराङ गाउँपालिका स्थित मलेखुमा भएको महासंघको प्रथम बार्षिक साधारण सभा अधिवेशनको अवसरमा पुराना व्यवसायी र युवा पुस्तामा सफल व्यवसायीहरुलाई सम्मान गरेको हो ।

धादिङको मलेखु क्षेत्रमा आएर पहिलो पटक चप परिकार बनाएर विक्रि गर्ने तथा माछाको परिकार बनाउने पुराना व्यवसायी छबिलाल मरहट्ठालाई सम्मानपत्र सहित सम्मान गरिएको छ ।

मलेखु क्षेत्रमा राजमार्ग निर्माण भएको समयमा व्यवसाय सुरु गरेका थिए ।अहिले मलेखुलाई चिन्नेहरुले चप र माछाको प्रमुख बजारको रुपमा चिन्ने गर्दछन् ।

धादिङमा सुरुको समयमा कुखुुरा तथा दाना उद्योग संचालन गरेर नेपालमै दाना बनाउन सुरु गर्ने भिमसेन खड्का, कपडा व्यवसाय गर्ने प्रेम प्रसाद पाण्डे, किराना पसल संचालक राजकुमार पौडेल तथा युवा सफल व्यवसायी इश्वरप्रसाद सिलवाल र केशवप्रसाद अधिकारीलाई सम्मान गरिएको हो ।

कार्यक्रमका प्रमुख अतिथी नेपाल उद्योग तथा व्यवसायी महासंघका कार्यवहाक अध्यक्ष भगिरथ सापकोटा, नेकपा एमाले जिल्ला अध्यक्ष भूमि त्रिपाठी, केन्द्रीय लेखा आयोगका सदस्य मिनराज कँडेल, जिल्ला सचिव राधिका सापकोटा, लगायतले सम्मानपत्र र खादा ओडाएर सम्मान गर्नुभएको थियो।