पुस्तक तथा स्टेशनरी व्यवसायी संघ धादिङको अध्यक्षमा पुनः रिमाल

धादिङ । पुस्तक तथा स्टेशनरी व्यवसायी संघ धादिङको अध्यक्षमा पुनः श्रीकृष्ण रिमाल चयन हुनुभएको छ ।

शनिबार धादिङबेशीमा सम्पन्न संघको १९ औँ वार्षिक साधारण सभा तथा ९ औँ अधिवेशनले रिमाललाई पुनः अध्यक्षमा चयन गरेको हो ।

जसअनुसार नयाँ कार्यसमितिको प्रथम उपाध्यक्षमा रस्मिता अधिकारी, द्वितीय उपाध्यक्षमा दानबहादुर श्रेष्ठ (हरी), सचिवमा रामप्रसाद रुपाखेती, कोषाध्यक्षमा रविन्द्रप्रसाद रिजाल, सह–सचिवमा विष्णु खनाल चयन हुनुभएको छ ।

त्यस्तै सदस्यहरूमा सरिता रेग्मी, ध्रुवराज ईटनी, रोस्मित अधिकारी, कल्पना अर्याल, अनिश श्रेष्ठ, लेखा संयोजक सन्तोष दुवाडी, लेखा समिति सदस्यहरूमा रामप्रसाद रिजाल, नविन श्रेष्ठ रहनुभएको छ ।

अधिवेशनले शिक्षा क्षेत्रको विकास, व्यवसायीको हित संरक्षण तथा संगठनलाई अझ सुदृढ बनाउने प्रतिबद्धता जनाएको छ । पुस्तक तथा स्टेशनरी व्यवसायी संघले शैक्षिक क्षेत्र तथा व्यवसायीहरूको हकहितमा काम गर्दै आएको छ।