धादिङमा १४५ विपद्का घटनाबाट ६ जनाको मृत्यु,१३ जना घाइते

धादिङ । धादिङमा गत आर्थिक वर्ष २०८२/०८३ मा बाढी, पहिरो, चट्याङ, आगलागी, नदीमा डुब्ने लगायतका १४५ वटा विपद्का घटना भएका छन्।

ती घटनामा ६ जनाको मृत्यु भएको छ भने १३ जना घाइते भएका छन्।

जिल्ला प्रहरी कार्यालय धादिङका सूचना अधिकारी प्रहरी नायव उपरीक्षक प्रकाश दाहालका अनुसार बाढी, पहिरो, चट्याङ, आगलागी, नदीमा डुब्ने र जनावरको आक्रमण प्रमुख रहेका छन्।

घटनामा २ जना बेपत्ता भएका छन् भने ठूलो संख्यामा चौपाया तथा घरमा समेत क्षति पुगेको विवरणमा उल्लेख छ।

विपद् व्यवस्थापनलाई प्रभावकारी बनाउन प्रहरीले जिल्लाका विभिन्न जोखिमयुक्त क्षेत्रको पहिचान गरी राजमार्गका १० स्थानमा अस्थायी ‘होल्डिङ सेन्टर’ स्थापना गरेको छ।

मनसुनजन्य विपद्का बेला सवारीसाधन व्यवस्थापन, यात्रुको सुरक्षा तथा उद्धार कार्यलाई सहज बनाउन यो व्यवस्था गरिएको छ ।

Filephoto