धादिङ समाज जापान क्षेत्रीय समिति कान्साईको संयोजकमा अधिकारी

जापान। धादिङ समाज जापानको क्षेत्रीय समिति कान्साईको संयोजकमा विकास अधिकारी चयन हुनुभएको छ ।आईतबार ओसाकामा सम्पन्न दोस्रो अधिवेशनले नयाँ कार्यसमिति चयन गरेको हो ।

नवगठित समितिमा सहसंयोजक सन्तोष धिताल र विशु गैरे,सचिवमा हरिशरण अर्याल, सहसचिव कपिल इटनी, कोषाध्यक्ष रामकुमार सुवेदी, सहकोषाध्यक्षमा सुदिप रिमाल चयन हुनुभएको छ भने सदस्यहरूमा जानुका सुवेदी, सागर तामाङ, नारायण अधिकारी, सुजन रिमाल,राम बानियाँ र लक्ष्मी जिसी अर्याल चयन हुनु भएको छ ।

धादिङ जिल्ला स्थायी ठेगाना भएर हाल जापानको कान्साईमा बसोबास गर्दै आउनु भएका धादिङ बासीहरुलाई समेट्ने उद्धेश्यले अधिबेशन गरिएको समाजको निवर्तमान संयोजक दिपक भण्डारीले बताउनुभयो ।

भण्डारीको अध्यक्षतामा भएको अधिवेशनमा धादिङ समाज जापानका अध्यक्ष विमल श्रेष्ठको प्रमुख आतिथ्यता रहेको थियो ।

कार्यक्रममा कृष्ण शर्मा गैरे, नरेन्द्र कुमार बस्नेत र श्याम ‘शितल’ श्रेष्ठको विशेष आतिथ्यता रहेको थियो।