यू-१९ महिला एसिया कप : दोस्रो सुपर–फोरमा आज नेपालले बङ्गलादेशसँग खेल्ने

काठमाण्डौ । एसीसी यू-१९ महिला एसिया कप क्रिकेटको दोस्रो सुपर–फोरमा आज नेपाल र बङ्गलादेश खेल्दै छन् ।

खेल नेपाली समय अनुसार बिहान सवा ९ बजे देखी मलेसियाको क्वालालम्पुरमामा रहेको बायोमास आभलमा हुने शुरू हुनेछ । यसअघि हिजोको पहिलो ‘सुपर–फोर’ मा नेपाल र श्रीलङ्काबीचको खेल नतिजाविहीन भएको छ ।

वर्षाका कारण नेपाल र श्रीलङ्काबीचको खेल नतिजाविहीन भएको हो ।

नेपाल र श्रीलङ्काले १/१ अङ्क बाँडेका छन् ।

‘सुपर–फोर’ अन्तर्गत हिजोको अर्को खेलमा भारतले बङ्गलादेशलाई ८ विकेटले हराएको छ ।

प्रतियोगिताको समूह ‘ए’ बाट भारत र नेपाल तथा समूह ‘बी’ बाट बङ्गलादेश र श्रीलङ्का ‘सुपर–फोर’ मा पुगेका हुन् ।

‘सुपर–फोर’ मा शीर्ष दुईमा रहने टोली फाइनलमा पुग्नेछन् ।महिला एशिया कपको फाइनल खेल पर्सि आइतवार हुनेछ।