धादिङमा भएको खुल्ला फुटसल प्रतियोगितामा धादिङ फुटसल एकेडेमी प्रथम

धादिङ । सदरमुकाम धादिङबेशीमा भएको खुल्ला फुटसल प्रतियोगितामा धादिङ फुटसल एकेडेमी प्रथम भएको छ ।

शुक्रबार भएको फाईनल खेलमा एक्सन नेपाललाई ७–५ गोल अन्तरले पराजित गर्दै धादिङ फुटसल एकेडेमी प्रथम भएको हो ।प्रतियोगितामा हिम्स नेपाल बी र अभिषेक चर्च तेस्रो भएका छन् ।

प्रतियोगितामा प्रथम, द्धितिय र तृतिय हुने टिमले क्रमशः २० हजार, १० हजार र ५ हजार नगदसहित ट्रफी, मेडल र प्रमाणपत्र पाएका छन् ।

हिमालय सामुदायिक मुक्ति समाज (हिम्स नेपाल), नगर इसाई समाज र महिमा युथ क्लवले ख्रीष्टमस २०२४ को अवसरमा संयुक्त रुपमा आयोजना गरेको प्रतियोगितामा १३ टिम सहभागी थिए ।

बिहिबारदेखी शुरु भएको प्रतियोगिता शुक्रबार नीलकण्ठ नगरपालिकाका नगर प्रमुख भिम प्रसाद ढुंगानाले पुरस्कार वितरण गर्दै समापन गर्नुभएको हो ।