खो–खो विश्वकप : नेपाली महिला टोली फाइनलमा

काठमाण्डौ । खो–खो विश्वकप अन्तरगत नेपाली महिला टोली फाइनलमा पुगेको छ।

भारतको नयाँ दिल्लीमा रहेको इन्दिरा गान्धी स्टेडियममा आज भएको सेमिफाइनल खेलमा युगान्डालाई हराउँदै नेपाली महिला टोली फाइनलमा पुगेको हो।

नेपालले युगान्डालाई ८९–१८ ले हरायो ।

हिजो भएको क्वाटरफाइनल खेलमा इरानलाई हराउँदै नेपाली टोली सेमिफाइनलमा पुगेको थियो ।

यस्तै समूह चरणमा पनि नेपाल अपराजित हुँदै शीर्ष स्थानमा रहेर क्वाटरफाइनलमा पुगेको थियो ।

नेपाली महिला टोलीले समूह चरणमा पहिलो खेलमा भुटान, दोस्रो खेलमा जर्मनी, तेस्रो खेलमा श्रीलङ्का र चौथो खेलमा बङ्गलादेशलाई हराएको थियो ।