खो-खो विश्वकप : फाईनलमा आज नेपालका दुवै टोली आयोजक भारतसँग भिड्दै

काठमाण्डौ । भारतको नयाँ दिल्लीमा जारी खो–खो विश्वकप अन्तरगत महिला पुरुषको फाईन खेल आज हुँदैछ ।

उपाधिका लागि नेपालका दुवै टोलीले आज आयोजक भारतसँग खेल्दैछन् ।

पुरुषतर्फको फाइनल खेल नेपाली समय अनुसार नयाँ दिल्लीमा रहेको इन्दिरा गान्धी इन्डोर स्टेडियममा बेलुका साढे ८ बजे र महिलातर्फको बेलुका सवा ७ बजे शुरु हुनेछ ।

हिजो भएको सेमिफाइनलमा पुरुषतर्फ नेपालले इरान र भारतले दक्षिण अफ्रिकालाई हराउँदै फाइनलमा पुगेका हुन् ।

नेपालको पुरुष टोली उद्घाटन खेलमा भारतसँग पराजित भएको थियो ।

महिला टोली अपराजित रहँदै उपाधि नजिक पुगेको हो ।

नेपालको महिला टोलीले हिजो भएको सेमिफाइनलमा युगान्डालाई ८९–१८ ले पराजित गर्‍यो ।

त्यस्तै भारतले दक्षिण अफ्रिकालाई ६६–१६ ले हराउँदै नेपालसँग फाइनल खेल्न लागेको हो ।