त्रिवि मैदानमा महिला टी-२० श्रृंखलाका खेलहरू हेर्न प्रवेश निःशुल्क

काठमाडौं । नेपाल क्रिकेट संघ क्यानले आगामी बिहीबारदेखि कीर्तिपुरस्थित त्रिवि क्रिकेट मैदानमा हुने टी-२०आई श्रृंखलाका खेलहरू हेर्न प्रवेश निःशुल्क गरेको छ।

नेपाल, नेदरल्याण्ड्स र थाइल्याण्ड सम्मिलित महिला टी२०आई श्रृंखलाका सबै खेलहरू टिकटबिना निस्शुल्क हेर्न सकिने प्रबन्ध मिलाएको हो।

जनवरी ३० देखि फेब्रुअरी ७ सम्म कीर्तिपुरस्थित त्रिवि क्रिकेट मैदानमा हुने श्रृंखलामा सबै टोलीले एक अर्कासँग ३/३ खेल खेल्ने छन् । पहिलो खेल जनवरी ३० मा नेपाल र नेदरल्याण्ड्सको बीचमा हुनेछ।

त्यसैगरी नेदरल्याण्ड्स र थाइल्याण्डले ३१ जनवरीमा खेल्ने छन् भने फेब्रुअरी १ मा नेपाल र थाइल्याण्ड खेल्ने छन् । त्यसपछि ७ फेब्रुअरीसम्म लगातार सोही क्रमका खेलहरू हुनेछन्।