धादिङबेशीमा तेक्वान्दोको ब्ल्याक बेल्ट ग्रेडिङ,आठ खेलाडीले पाए बेल्ट र प्रमाणपत्र

अडियोमा सुन्नुहोस

धादिङ । नीलकण्ठ नगरपालिका ३ धादिङबेशीमा तेक्वान्दो खेलाडीको बेल्ट ग्रेडिङ सम्पन्न भएको छ।

फ्युबा फिट्नेस तेक्वान्दो डोजाङका खेलाडीहरुलाई प्रथम डानको ब्याल्क बेल्ट वितरण गरिएको छ ।शनिबार एक कार्यक्रमका बिच ८ जना खेलाडीलाई बेल्ट र प्रमाणपत्र वितरण गरिएको हो ।

ब्याल्क बेल्ट पाउने खेलाडीहरुमा सुजन सिंं ठकुरी, सन्देश तामाङ, इशाक तामाङ, सुजन घले, मर्कुश तामाङ, संगम कँडेल, कुशल श्रेष्ठ र बिबेक खकुराल रहेको डोजाङ प्रमुख एवम प्रशिक्षक मरियम फ्युवाले जानकारी दिनुभयो ।

खेलाडीहरुलाई कार्यक्रमका प्रमुख अतिथि जिल्ला खेलकुद विकास समितिका अध्यक्ष प्रताप सिं तामाङ, राष्ट्रिय तेक्वान्दो संघका अध्यक्ष गणेशकुमार श्रेष्ठ,कबड्डी संघ धादिङका सचिव महेन्द्र ढुंगाना लगाएतले बेल्ट तथा प्रमाणपत्र प्रदान गर्नुभएको थियो ।

कार्यक्रममा प्रमुख अतिथि तामाङले खेलकुद क्षेत्रलाई सबैले प्राथमिकता राख्नु पर्ने बताउनुभयो । तीन तहको सरकारले खेलकुद क्षेत्रलाई प्राथमिकतामा राखे मात्र यस क्षेत्रको विकास हुने उहाँको भनाइ थियो।