नेपाल एक खेलअघि नै फाइनलमा,उपाधिका लागि म्यानमारसँग खेल्ने

काठमाण्डौ । अन्तर्राष्ट्रिय महिला फुटबल प्रतियोगिता अन्तरगत लेबनानलाई हराउँदै नेपाल एक खेलअघि नै फाइनलमा पुगेको छ।

आज त्रिपुरेश्वरको दशरथ रङ्गशालामा भएको खेलमा नेपालले लेबनानलाई १-० गोलले हरायो ।

नेपालकी सावित्रा भण्डारीले खेलको ४२औं मिनेटमा गोल गरिन् ।प्रतियोगितामा नेपालको यो लगातार दोस्रो जीत हो ।

नेपालले पहिलो खेलमा किर्गिस्तानलाई १–० गोलले हराएको थियो ।अब नेपालले उपाधिका लागि म्यानमारसँग खेल्नेछ। नेपालको जीतसँगै म्यानमार पनि फाइनलमा पुगेको हो ।

आजै भएको खेलमा म्यानमारले किर्गिस्तानलाई ५–० गोलले हराउँदै लगातार दोस्रो जीत हासिल गरेको हो। filephoto