बिद्यालय परिर्वतनको संवाहक बन्दै आमा अभिभावकहरु

धादिङ। बेनिघाट रोराङ गाउँपालिङका वडा नं. ८ गोठिभञ्ज्याङ बस्ने एक गृहिणी महिला हुन् सरिता चेपाङ।सरिता घरको माईली बुहारी हुन् । सरिताको घरमा श्रीमान श्रीमती र एक छोरी छिन्।

सरिताको छोरी घर नजिकैको गोठिभञ्ज्याङ आधारभूत विद्यालयमा बाल बिकास कक्षामा पढ्छिन् ।गोठिभञ्ज्याङ टोलमा विषेशतः चेपाङ, गुरुङ, नेवार समूदायका मानिसहरुको बसोबास रहेको छ।

गोठिभञ्ज्याङ टोलको बालबालिकाहरु बिद्यालय नियमित नजाने ,घरमा पनि पढ्ने वातावरण नहूने, सरसफाइ नहुने,बालबालिकालाई समयमा खाना खुवाएर विद्यालय नपठाउने, बालबालिका प्रति अभिभाबकहरुको कम नै चासो हुने लगायतका समस्या रहेको थियो ।

यसै समस्यालाई समाधानको लागि बिद्यालय कि शिक्षिका सानुमाया चेपाङले उपायहरुको खोजि गर्ने क्रममा प्रयास नेपाल नामक गैरसरकारी संस्थामा काम गर्ने एक सामाजिक कार्यकर्ता सुमित्रा चेपाङसँग भेट भयो ।

भेटको क्रममा बिद्यालयमा अभिभावक शिक्षाका समस्याको बारेमा छलफल गर्दा मासिक अभिभावक शिक्षा सत्र संञ्चालनमा गर्न सुझाव पाउनु भयो ।

सुमित्राको सुझावको आधारमा सानुमाया चेपाङले अभिभावक शिक्षा कक्षा संचालन गर्न बिद्यालय व्यवस्थापन समितिको बैठक राखी छलफल गराउनु भयो ।

बैठकले अभिभावक सत्र संचालन गर्न सहयोग गर्ने निर्णय पछि २०८१ बैशाखबाट अभिभावक शिक्षा सत्र संचालन गर्नु भयो । अभिभावक शिक्षा कक्षाका सहभागी मभ्ये एक थिईन् सरिता चेपाङ।

शुरुशुरुमा त सरिता चेपाङलाई पनि पनि यहाँको चलन नै यस्तै हो जस्तो लाग्थ्यो जब सरिता छोरीलाई भर्ना गर्न गोठिभञ्ज्याङ आधारभूत विद्यालयमा पुगिन् सोही समयमा मासिक बैठकमा बिद्यालय आउनु पर्ने बाल विकास शिक्षिका सानुमाया चेपाङ जानकारी दिनु भए पछि नियमित बैठकमा जान थालिन् ।

सरिताले अभिभावकहरुको मासिक बैठकमा नियमित सहभागीता पछि अभिभावकहरुले बालबालिकाहरुको गर्नुपर्ने कामको सीप र भरमा बालबालिकासँग बोल्ने, बाल विकासका उमेरका बालबालिका प्रति अभिभावकहरुको उत्तर दायित्वका बाल विकास कक्षाका सहजकर्ता र अभिभावकको सम्बन्ध, बालबिकासको महत्वको बारेमा थाहा पाए, पढाईको महत्व, अभिभाबकको भुमिकाको बारेमा थाहा पाए,विद्यालयमा हुने अभिभावक बैठक,अतिरिक्त क्रियाकलापहरुमा पनि सहभागिता हुन थाले।

विद्यालयमा छोरीलाई भर्ना गरेपछि मैले पनि धेरै कुरा सिक्ने अवसर पाए सरिताले सुनाईन् ।

पहिले पहिले छोरीलाई नियमित बिद्यालय नपठाउने सरिताले आजभोली गोठिभञ्ज्याङ टोलका अन्य बालबालिकाहरुलाई पनि विद्यालयमा पठाउन प्रेरित गर्ने गरेको बताउछिन् ।

सरिता जस्तै जनप्रभात आबिका बिबिता चेपाङ, सोमिता चेपाङ, कालिका माविका चन्द्र कुमारी चेपाङ, फुलमाया चेपाङ अहिले बेनिघाट रोराङ गाउँपालिका वडा नं ६, ८ र १० का १९ सामुदायिक बिद्यालयका ३ सय जना आमा अभिभावकहरु बिद्यालय र बालबालिकाहरुको पढाई प्रति चासो दिन थालेका छन् ।

अभिभावकहरुको सक्रियता बढेसँगै बालबालिका नियमित आउने गरेको, पनि सरसफाई गराएर पठाउने,भरमा पनि बालबालिकाहरुको लागि समय दिने, बाल विकास शिक्षक र अभिावकहरुको बिचमा निरन्तर छलफलले बालबालिकाहरुको शैक्षिक सहित सामाजिकिकरण,मानसिक, संवेगात्मक विकास महत्वपुर्ण योगदान भएको वाल विकास शिक्षिका सरस्वती चेपाङ बताउनु हुन्छ।

बिद्यालयमा बाल विकास शिक्षकलाई तालीम,कक्षा कोठा व्यवस्थापन, अभिभावक शिक्षा लगायतको काममा चाईल्ड फण्ड जापानको साझेदारीमा प्रयास नेपाल धादिङ संञ्चालित शिक्षामा पहुँच सुनिश्चितता परियोजनाको महत्वपुर्ण योगदान रहेको बेनिघाट रोराङ गाउँपालिका शिक्षा अधिकृत बोधराज पाठकको भनाई रहेको छ।