एसईईको परीक्षाफल असार ७ गतेभित्र सार्वजनिक गरिने

काठमाण्डौ । एसईईको परीक्षाफल असार ७ गतेभित्र सार्वजनिक गरिने राष्ट्रिय परीक्षा बोर्ड, परीक्षा नियन्त्रण कार्यालय सानोठिमीले जनाएको छ।

यही चैत ७ गतेदेखि शुरू भएको परीक्षा मंगलबार सकिएको हो। यस वर्षको परीक्षामा पाँच लाख १४ हजार ७१ जनाले परीक्षार्थी सहभागी भएका थिए।

एसईईमा सबैभन्दा धेरै काठमाण्डौमा ३९ हजार ६ सय र सबैभन्दा कम मनाङमा ४३ जना सहभागी थिए । जापानको एक परीक्षा केन्द्रमा २९ जनाले एसईई दिएका छन् ।

आउँदो असार ७ गतेभित्र परीक्षाफल सार्वजनिक गर्ने जनाएको छ।

यस वर्ष परीक्षामा न्यूनतम ३५ अङ्कभन्दा कम ल्याउने परीक्षार्थी अनुत्तीर्ण हुनेछन्। सरकारले परीक्षाको नतिजामा उत्तीर्णदरमा ७० प्रतिशत पुर्‍याउने लक्ष्य राखेको छ ।

गएको वर्ष २०८० सालको एसईईमा ४८ प्रतिशतमात्रै विद्यार्थी पास भएका थिए ।