पञ्चकन्याको मिश्रपँधेरोमा बालमैत्री स्थानीय शासन सम्बन्धि अभिमुखिकरणसँगै वडा समिति गठन

मिश्रपँधेरो । नुवाकोटको पञ्चकन्या गाउँपालिका वडा ५ मिश्रपँधेरोमा बालमैत्री स्थानीय शासन सम्बन्धी अभिखिकरण कार्यक्रम सम्पन्न भएको छ।

वडाका जनप्रतिनिधि, कर्मचारी तथा सरोकारवालाहरूको लागि बालमैत्री स्थानीय शासन अबलम्बन तथा घोषणा सम्बन्धि जानकारी दिने तथा क्षमता विकास गर्ने र वडा स्तरीय बालमैत्री समिति गठन गर्ने उद्धेश्यले सोमबार अभिमुखीकरण कार्यक्रम गरिएको गाउँपालिकाकी महिला, बालबालिका तथा जेष्ठ नागरिक शाखाका अधिकृत कविता भट्टले जानकारी दिनुभयो ।

कार्यक्रममा बालमैत्री स्थानीय शासनको अवधारणा, बालबालिकामा लगानी, बालमैत्री स्थानीय शासनवडा समितिको संस्थागत संरचना र बालमैत्री स्थानीय शासनका ५१ वटा सूचकहरू ,बालक्लब,बालक्लब संञ्जाल गठन तथा परिचालन लगायतका विषयमा प्रयास नेपाल धादिङका कार्यकारी निर्देशक सहजकर्ता दामोदर अर्यालले सहजीकरण गर्नु भएको थियोे ।

अभिमुखिकरण कार्यक्रम पछि वडाध्यक्ष माधव प्रसाद सिटौलाको अध्यक्षतामा १५ सदस्यीय बालमैत्री स्थानीय शासन वडा समिति गठन गरिएको छ।

कार्यक्रममा वडा सदस्यहरु, बालक्लबका प्रतिनिधि, शिक्षक, महिला समूह, महिला स्वयंसेविकाहरु लगायतका सहभागी थिए।