रुखबाट लडेर एक जनाको मृत्यु

काठमाण्डौ । घाँस काट्ने क्रममा रुखबाट लडेर धनकुटामा एक जनाको मृत्यु भएको छ।

जिल्ला प्रहरी कार्यालय धनकुटाका अनुसार मृत्यु हुनेमा शहीदभूमि गाउँपालिका वडा नम्बर ३ सिरवानीका ५३ वर्षीय मन्दिरबहादुर राई रहेका छन्।

आफ्नै बारीमा रहेको टाँकीको रुखमा चडेर घाँस काट्ने क्रममा लडेर गम्भीर घाइते भएपछि उपचारका क्रममा जिल्ला अस्पताल धनकुटामा मृत्यु भएको जिल्ला प्रहरी कार्यालय धनकुटाले जनाएको छ।