जनप्रतिनिधि तथा सरोकारवालालाई बालमैत्री स्थानीय शासन सम्बन्धी अभिमुखिकरण

मिश्रगाउँ । नुवाकोटको पञ्चकन्या गाउँपालिका वडा २ मिश्रगाउँमा बालमैत्री स्थानीय शासन सम्बन्धी अभिखिकरण कार्यक्रम सम्पन्न भएको छ।

शनिबार वडाका जनप्रतिनिधि, कर्मचारी तथा सरोकारवालाहरूको लागि बालमैत्री स्थानीय शासन अबलम्बन तथा घोषणा सम्बन्धी जानकारी दिने तथा क्षमता विकास गरी वडा स्तरीय बालमैत्री समिति गठन गर्ने उद्धेश्यले अभिमुखीकरण कार्यक्रम गरिएको हो ।

कार्यक्रममा बालमैत्री स्थानीय शासनको अवधारणा, बालबालिकामा लगानी, बालमैत्री स्थानीय शासन वडास्तरीय संरचना र ५१ सूचकहरू लगायतका विषयमा प्रयास नेपाल धादिङका कार्यकारी निर्देशक सहजकर्ता दामोदर अर्यालले सहजीकरण गर्नुभएको थियो।

अभिमुखिकरण पछि वडाध्यक्ष रामशरण श्रेष्ठको अध्यक्षतामा १५ सदस्यीय वडा स्तरीय बालमैत्री स्थानीय शासन समिति गठन गरिएको छ।

कार्यक्रममा वडा सदस्यहरु, बालक्लबका प्रतिनिधि, शिक्षक, महिला समूह, महिला स्वयंसेविकाहरु लगायतको उपस्थिती रहेको गाउँपालिकाकी महिला, बालबालिका तथा जेष्ठ नागरिक शाखाका अधिकृत कविता भट्टले जानकारी दिनुभयो।