नलाङमा अज्ञात व्यक्तिद्वारा एक घरमा आगजनी,लाखौंको क्षति

धादिङ। धादिङको सिद्धलेक गाउँपालिका-२ स्थित नलाङ ठाँटिभञ्ज्याङमा देबराज अछामीको घरमा अज्ञात व्यक्तिले आगो लगाई दिएको छ।

गए राति करिब १२:३० बजेको समयमा घरमा अज्ञात समूह या व्यक्तिले आगजनी गरेको अछामीले बताउनुभयो।

आगजनीबाट कच्ची घरको आधा भाग जलेको छ भने खाद्यान्न, काठका फर्निचर, घरायसी सामान भाँडाकुँडा, लत्ताकपडा जलेर नष्ट भएको छ ।

आगो १:१५ बजे नियन्त्रणमा आएको अछामीले बताउनुभयो।सो घटनामा एक लाख बराबरको क्षति भएको अछामीले बताउनुभयो।

रातको समयमा सबै जना सुतेको मौका छोपी कसैले पूर्वाग्रहको कारण आगजनी गरेको हुनसक्ने अछामीको अनुमान छ।

आगलागीबाट क्षति भएको घरको केही तस्विरहरु :