१० क्विन्टल भन्दा धेरै गाजासहित एकजना पक्राउ

अडियोमा सुन्नुहोस

दश क्विन्टल भन्दा धेरै गाजासहित सप्तरीबाट एक जना पक्राउ परेका छन् ।

सप्तरीको खडक नगरपालिका वडा नम्बर ७ कल्याणपुरमा बालुवा लोड गरिएको टिपरभित्र लुकाइरहेको १ हजार ६ किलो गाँजासहित धनकुटाको शहीदभूमी गाउँपालिकाका विशेष राईलाई पक्राउ गरिएको जिल्ला प्रहरी कार्यालय सप्तरीका प्रमुख, प्रहरी उपरीक्षक गजुसिद्दी बज्राचार्यले जानकारी दिनुभयो ।

को १ ख ५८३१ नम्बरको टिप्परमा बालुवा मुनि ठूलो परिमाणको गाँजा रहेको सूचनाका आधारमा प्रहरीले जाँच गरेको थियो ।

पक्राउ परेका राईको साथबाट एक लाख रुपैयाँसमेत बरामद भएको छ ।