कलङ्कीमा दुई समूहबीच झडप : एक जनाको मृत्यु,तीन जना घाइते

काठमाण्डौ । काठमाण्डौको कलङ्कीमा दुई समूहबीच झडप हुँदा एक जनाको मृत्यु भएको छ।

काठमाण्डौ प्रहरीका अनुसार वडा नम्बर १४ कलङ्कीमा रहेको एलआरआई स्कूल नजिकै गएराति दुई समूहबीच झडप हुँदा ढुङ्गेअड्डा बस्ने २२ वर्षीय अभय गोलेको मृत्यु भएको हो।

गोलेको उपचारको क्रममा ज्यान गएको प्रहरीले जनाएको छ।प्रहरीका अनुसार दुई समूहबीच होलीमा भएको विवादलाई लिएर हिजो झडप भएको हो।

घटनामा अरू तीन जना घाइते भएका छन्।

कुटपिट गर्ने एकजना पक्राउ परेका र अरू दुई जना फरार रहेका प्रहरीले जनाएको छ।