श्री गण्डकी कोटिहोम महायज्ञको क्षमा पूजन,भूमी पुजनसँगै यज्ञ कुण्ड खनियो

पोखरा । पोखरा महानगरपालिका वडा नं १७ को विरौटामा सञ्चालन भइरहेको ऐतिहासिक श्री गण्डकी कोटिहोम महायज्ञको क्षमा पूजन,भूमी पुजनसँगै यज्ञ कुण्ड खनिएको छ ।

कोटिहोम महायज्ञको लागि गत महिना २३ गते कोटिहोम महायज्ञको लागि तय भएको स्थानमा भूमी पुजन सम्पन्न गरेतापनि विविध कारणले कोटिहोम महायज्ञको स्थान परिवर्तन हुन पुगेको थियो ।

पोखरा ६ को लेकसाइड क्षेत्रको बाराहीघाटमा स्थान परिवर्तन गर्नुपरेका कारण बाराहीघाटमा बिहान क्षमा पुजन सम्पन्न भएको आयोजक मानव सेवा फाउण्डेसन नेपाल कास्की शाखाले जानकारी दिएको छ।

त्यस्तै पुनः ऐतिहासिक श्री गण्डकी कोटिहोम महायज्ञ सञ्चालन हुने श्री शिद्धेश्वर हरिहर मन्दिरको भूमीमा आज बिहान ठीक ११ बजेर १ मिनेटमा भूमी पुजन गरिएको फाउण्डेसनले जनाएको छ।

नेपाल पञ्चाङ्ग विकास समिती नेपालले दिएको उत्तम शाइतमा नै भूमी पुजनको कार्य सम्पन्न भएको जनाईएको छ।

यसैगरी आजै यज्ञ पनि खनिएको छ। आज ठीक ११ः११ बजे विधिवत रुपमा यज्ञ कुण्ड खनिएको हो।

आज भएको उक्त भूमी पुजन कार्यक्रममा विभिन्न स्वामी, पोखरा महानगरपालिका १७ का अध्यक्ष राधिका शाही, वडा नं १७ मा रहेका विभिन्न सामाजिक संघसस्थाका प्रतिनिधी तथा आमा समूहका प्रतिनीधिहरुको उपस्थित रहेको थियो।