जनताको बीचमा गरेको प्रतिवद्धता पूरा गरेर देखाउने अधिकारीको दाबी

अडियोमा सुन्नुहोस

धादिङ क्षेत्र नं. २  प्रतिनिधिसभाको लोकतान्त्रिक बाम गठबन्धनका उम्मेदवार रामनाथ अधिकारीले जनताको बीचमा गरेको प्रतिवद्धता पूरा गरेर देखाउने बताएका छन् ।

बुधबार त्रिपुरासुन्दरी गाउँपालिका वडा नं. ५ को कठेरीमा  आयोजित चुनावी प्रचारप्रसार कार्यक्रमलाई सम्बोधन गर्दै नेता अधिकारीले बिगतमा जनताको बीचमा गरेको प्रतिवद्धता पूरा गरिएको दाबी गरे । उनले आम जनताकोे समस्याको पहिचान गरी क्रमैसंग समाधानको पहल गरिने बताए ।

जनतामा देखिएको समस्याको हल समाधान गर्ने आँट, सासह र तागत आफुसँग भएको बताए । नेता अधिकारीले डुबानमा पर्ने त्रिपुरासुन्दरी माइ आउनेजाने बाटो धार्मिक मठमन्दिरको संरक्षणमा अब हाम्रो दायित्व भएको र काँधमा आएको जिम्मेवारी पूरा गर्ने प्रतिबद्धता व्यक्त गरे । उनले धार्मिक सहिष्णुता बिग्रन नदिने अठोट व्यक्त गरे ।