देशभर एम्बुलेन्स सेवाका लागि एउटै नम्बर ‘१०२’ मा सम्पर्क गर्न सकिने

काठमाडौँ । एम्बुलेन्स सेवा सञ्चालनलाई एकीकृत गर्न निर्देशिका जारी गरिएको छ।

स्वास्थ्य तथा जनसङ्ख्या मन्त्रालयले एम्बुलेन्स सेवालाई थप व्यवस्थित, एकीकृत र पहुँचयोग्य बनाउन ‘एम्बुलेन्स सेवा निर्देशिका, २०८२’ स्वीकृत गरेको हो ।

निर्देशिकाले देशभर सञ्चालित एम्बुलेन्सलाई एकीकृत प्रेषण केन्द्रमार्फत सञ्चालन गर्ने गरी एकद्वार प्रणालीको व्यवस्था गरेको छ।

साथै, जुनसुकै ठाउँबाट सेवा लिनका लागि ‘१०२’ नम्बरमा सम्पर्क गर्न सकिने र सबै एम्बुलेन्स जीपीएस प्रणालीमा आबद्ध हुनुपर्ने प्रावधान राखिएको छ।