वुमन्स डे कप टी–२० क्रिकेट : तेस्रो स्थानका लागि नेपालले आज हङकङसँग खेल्ने

अडियोमा सुन्नुहोस

काठमाण्डौ । चारदेशीय वुमन्स डे कप टी–२० अन्तराष्ट्रिय क्रिकेट प्रतियोगिता अन्तरगत तेस्रो स्थानका लागि आज नेपालले हङकङसँग खेल्दैछ ।

खेल दिउँसो पौने १ बजे शुरु हुनेछ ।

शृङ्खलामा ६ खेल खेलेको नेपालले समूह चरणमा दुई खेल मात्रै जित्न सक्यो ।नेपालले शुक्रवार भएको लिगको अन्तिम खेलमा हङकङलाई छ विकेटले पराजित गरेको थियो भने एक खेलमा घरेलु टोली युगान्डालाई हराएको थियो ।

नेपालले आज हङकङसँग तेस्रो स्थानको प्लेअफका लागि खेल्न लागेको हो ।

आजै घरेलु टोली युगान्डा र नामिबियाले फाइनल खेल्दैछन् । लिग चरणमा आयोजक युगान्डाले छ मध्ये चार र नामिबियाले तीन खेल जितेका थिए ।