धादिङमा २ जना पहिरोमा पुरिए,खोलाले बगाएर एक बालिका बेपत्ता

धादिङ । गजुरी गाउँपालिका वडा नम्बर २ गुम्बाडाडाँमा पहिरोमा पुरिएर २ जना बेपत्ता भएका छन्।

बेनिघाट रोराङ गाउँपालिका वडा नम्बर ६ का ४० वर्षीय जनता चेपाङ र २० वर्षीय सन्तु चेपाङ पहिरोमा परेर बेपत्ता भएको जिल्ला प्रहरी कार्यालय धादिङका सूचना अधिकारी प्रहरी निरीक्षक प्रल्हाद सिलवालले जानकारी दिनुभयो ।

नदीमा माछा मार्न जान लागेका उनीहरु निरन्तरको वर्षाका कारण गुम्बाडाडाँमा रहेको ओडारमा बस्दा पहिरो खसेर पुरिएको प्रहरी निरीक्षक सिलवालले बताउनुभयो।

बेपत्ता २ जनाको खोजी गर्न नेपाल प्रहरी, सशस्त्र प्रहरी, नेपाली सेना र स्थानीयबासीले खोजतलास गरिरहेको प्रहरीले जनाएको छ।

यसैगरि गजुरी गाउँपालिका वडा नम्बर ७ र ८ को बिचमा पर्ने घट्टेखोलाले बगाएर एक बालिका बेपत्ता भएकी छिन् ।

बेपत्ता बालिकाको पहिचान नखुलेको प्रहरीले जनाएको छ ।

खोलाले एउटा मोटरसाइकल पनि बगाएको गजुरीबाट योगेन्द्र बस्नेतले जानकारी दिनुभयो । प्रतीकात्मक तस्बिर