श्रीमानले गरे श्रीमतीको हत्या

काठमाडौं । भक्तपुरको भक्तपुर नगरपालिका-१० छालिङ रोड स्थित आर्मी व्यारेक नजिकै एक महिलाको हत्या भएको छ ।

काठमाडौं शंकरापुर नगरपालिका-६ नाङ्लेभारे घर भई आर्मी व्यारेक पछाडि डेरा गरी बस्ने ३३ वर्षीया सलिना तोलाङ्गे विश्वकर्माको उनकै श्रीमान ३८ वर्षीय विदुर विश्वकर्माले हत्या गरेको प्रहरीले जनाएको छ ।

उनलाई प्रहरीले पक्राउ गरिसकेको छ । बुधबार बेलुकी पौने आठ बजे घरायसी विवादको क्रममा विदुरले सलिनामाथि खुकुरी प्रहार गरेका थिए ।

उनको घटनास्थलमै मृत्यु भएको जिल्ला प्रहरी परिसर भक्तपुरका प्रहरी नायव उपरीक्षक प्रकाश जबेगुले जानकारी दिनुभयो ।

आमा–बुवाको झगडा छुटाउन गएका उनीहरुका आठ वर्षीय छोरालाई समेत खुकुरी प्रहारको घाउ रहेको प्रहरीले जनाएको छ। भक्तपुर अस्पतालमा उपचार गरी उनी भने डिस्चार्ज भइसकेका छन् ।